NUQuits ("we", "us") ᐊᑐᐃᓐᓇᐅᑎᑦᑎᕗᑦ ᑖᒃᑯᓂᖓ ᐱᔨᑦᑎᕋᐅᑎᓂᒃ ᐃᑲᔫᑎᒃᓴᓂᒃ ᐃᑲᔫᑎᒃᓴᓂᒃ ᓱᐴᖅᑐᖅᑎᐅᔪᓐᓃᕐᓂᕐᒧᑦ. NUQuits−ᑯᑦ ᐊᖏᖅᓯᒪᕗᑦ ᓴᐳᔾᔨᓂᕐᒥᒃ ᑲᙳᓇᖅᑐᖁᑎᖕᓂᒃ ᐊᒻᒪ ᐱᔨᑦᑎᕋᕐᓗᑎᑦ ᐊᑦᑕᕐᓇᙱᑦᑐᒥᒃ ᖃᕆᑕᐅᔭᒃᑯᑦ ᖃᐅᔨᖃᑦᑕᖅᓯᒪᔭᕐᓂᒃ.
ᑖᓐᓇ ᑐᓴᖅᑕᐅᔭᕆᐊᖃᙱᑦᑐᓄᑦ ᑎᑎᖅᑲᖅ ᓇᐃᓈᖅᓯᓯᒪᔪᖅ ᑐᓴᖅᑕᐅᔭᕆᐊᖃᙱᑦᑐᓄᑦ ᐊᑐᕋᓲᑎᓂᑦ NUQuits. ᐊᑐᕐᓂᒃᑯᑦ NUQuits ᑐᙵᕕᐊᓂᑦ (ᑖᓐᓇ ᐊᕙᑎᐊ), ᐊᖏᖅᑐᑎᑦ ᐊᕝᕗᐃᓂᕐᒧᑦ, ᐊᑐᕐᓂᕐᒧᑦ ᓴᖅᑭᑎᑦᑎᓂᕐᒧᓪᓗ ᓇᖕᒥᓂᕆᔭᕐᓂ ᑐᓴᐅᒪᔾᔪᑎᒃᓴᓂᑦ ᒪᓕᒃᓗᒍ ᑖᓐᓇ ᐅᓂᒃᑳᖅ.
ᑲᑎᖅᓱᐃᓂᖅ ᐃᓄᖕᒨᖓᔪᑦ ᑐᑭᓯᒋᐊᕈᑎᓂᒃ
ᑐᑭᓯᒋᐊᕈᑎᔅᓴᐃᑦ ᐅᕙᑦᑎᓐᓄᑦ ᑐᓂᕙᑦᑕᑎᑦ
ᓄᐊᑦᓯᖃᑦᑕᖅᑐᒍᑦ ᐃᓄᒻᒨᖓᔪᓂᑦ ᑐᑭᓯᒋᐊᕈᑎᓂᑦ ᑐᓂᕙᑦᑕᓐᓂᑦ ᐃᓱᒪᖅᓱᖅᓱᑎᒃ ᐊᑎᓕᐅᖃᑎᖃᕐᓂᕐᒥᑦ ᐊᑐᕐᓂᕐᒥᓪᓗ NUQuits ᑐᙵᕕᖓᓂᑦ .
(a) ᐊᑎᓕᐅᕐᓗᑎᑦ ᐃᓚᒋᔭᐅᔾᔪᑎᖕᓄᓪᓗ ᓇᓗᓇᐃᔭᖅᓯᒪᓗᑎᑦ,
(b) ᖃᐅᔨᓴᕈᑎᑦ ᑕᑕᑎᕐᓗᒋᑦ, ᖃᐅᔨᓴᕈᑎᑦ ᐅᕝᕙᓘᓐᓃᑦ ᓇᖕᒥᓂᖅ−ᖃᐅᔨᓴᕈᑎᑦ ᐊᐱᖅᑯᑎᑦ,
(c) ᐊᑐᕐᓗᒍ ᐊᑐᕈᓐᓇᑦᑎᐊᕐᓂᖓ NUQuits ᑐᙵᕕᐊᓂ,
(d) ᑐᒃᓯᕋᕐᓗᓂ ᖃᐅᔨᒪᔨᑕᒻᒪᕆᖕᒧᑦ ᐅᖃᐅᔾᔭᐅᓂᕐᒥᒃ
ᐃᖅᑲᐅᒪᓂᐊᖅᐳᑎᑦ ᓴᖅᑭᑦᑎᑲᐅᑎᒋᒍᕕᑦ ᓇᖕᒥᓂᖅ−ᓇᓗᓇᐃᔭᖅᓯᒪᔪᓂᑦ ᑐᓴᐅᒪᔭᒃᓴᓂᑦ ᓇᖕᒥᓂᕐᓘᓐᓃᑦ ᐃᒃᐱᒍᓱᑦᑎᐊᕐᓗᑎᒃ ᑎᑎᖅᑲᓂᑦ ᑖᒃᑯᑎᒎᓇᖅ NUQuits ᑐᙵᕕᖏᓐᓂᑦ ᑲᑎᒪᓂᒃᑯᑦ, ᐅᖃᖃᑎᒌᖕᓂᒃᑯᑦ, ᐊᓯᖏᓐᓄᓪᓘᓐᓃᑦ ᓄᓇᓕᖕᓂᑦ ᐊᑐᒐᒃᓴᓂᑦ, ᑖᒃᑯᐊ ᑐᓴᐅᒪᔭᒃᓴᑦ ᓄᐊᑕᐅᔪᓐᓇᖅᑐᑦ ᐊᑐᕐᑕᐅᓗᑎᒡᓗ ᐊᓯᖏᓐᓄᑦ ᑲᒪᒋᔭᖃᙱᖦᖢᑕᓗ ᐊᑐᕐᑕᓂᑦ .
ᑐᑭᓯᒋᐊᕈᑏᑦ ᓄᐊᑕᐅᑲᐅᑎᒋᓚᐅᖅᑐᑦ
ᑐᑭᓯᒋᐊᒐᒃᓴᑦ ᖃᕆᑕᐅᔭᕕᑦ ᒥᒃᓵᓄᑦ ᐊᒻᒪ ᖃᕋᓴᐅᔭᓕᕆᔾᔪᑎᕕᑦ ᒥᒃᓵᓄᑦ ᑲᑎᖅᓱᖅᑕᐅᑲᐅᑎᒋᓲᖑᕗᑦ NUQuits ᑐᙵᕕᐊᓂ ᓲᕐᓗ ᖃᔅᓯᑲᓪᓚᑦ ᑲᑐᔾᔨᖃᑎᒌᒡᕕᖕᓂ, ᐃᑭᐊᖅᑭᕕᑦᑎᓐᓂ ᑲᑎᖅᓱᐃᑲᐅᑎᒋᓲᖑᕗᑦ ᖃᐅᔨᔭᐅᓯᒪᙱᑦᑐᓂᒃ ᑐᑭᓯᒋᐊᒐᒃᓴᓂᒃ ᐱᔾᔪᑎᓕᖕᓂᒃ ᐊᑐᖅᑎᓄᑦ ᐃᑭᐊᖅᑭᕕᑦᑎᓐᓂ, ᓲᕐᓗ ᐃᑭᐊᖅᑭᕕᖕᒧᑦ ᒪᓕᒋᐊᓖᑦ (IP) ᑐᕌᕈᑎᑦ ᖃᕆᑕᐅᔭᖅᐱᑦ ᑐᕌᕈᑖ, IP ᑐᕌᕈᑖ ᐃᑭᐊᖅᑭᕕᓕᕆᔨᕕᑦ, ᐅᓪᓗᖓ ᐊᒻᒪ ᖃᔅᓯᒧᐊᖅᑎᓪᓗᒍ ᐃᓯᕐᓂᐊᕐᒪᖔᖅᐱᑦ NUQuits ᑐᙵᕕᐊᓂ, ᐊᐅᓚᑦᑎᔾᔪᑎᑦ ᐊᑐᖅᑕᑎᑦ, ᐃᑭᐊᖅᑭᕕᑦᑎᓐᓂ ᐱᔨᑦᑎᕋᐅᑎᕗᑦ ᐳᓛᕆᐊᖃᑦᑕᖅᑕᑎᑦ, ᐃᑭᐊᖅᑭᕕᑦᑎᓐᓂ ᐱᔨᑦᑎᕋᐅᑎᕗᑦ ᐅᖃᓕᒫᖅᑕᑎᑦ. ᑖᓐᓇ ᓇᓗᓇᐃᖅᓯᙱᑦᑐᖅ ᑐᑭᓯᒋᐊᒐᒃᓴᑦ ᐊᑐᖅᑕᐅᓲᖑᕗᑦ ᐊᐅᓚᑦᑎᔾᔪᑎᓄᑦ ᓄᓇᕗᒻᒥQuits Health ᑐᙵᕕᐊᓂ, ᐱᔨᑦᑎᕋᑦᑎᐊᖏᓐᓇᖁᓪᓗᒋᑦ, ᐊᒻᒪ ᖃᓄᑐᐃᓐᓇᖅ ᑭᒡᓕᓯᓂᐊᖅᑕᐅᓯᒪᔪᓂᒃ ᐱᔾᔪᑎᖃᕐᓗᑎᒃ ᐊᑐᖅᑕᐅᓂᖓᓂᒃ NUQuits Health ᑐᙵᕕᖓ.
ᑲᓱᖅᑎᑦᑎᓇᓱᖃᑦᑕᙱᑦᑐᒍᑦ ᑕᒪᑐᒥᖓ ᑐᓴᐅᒪᔭᒃᓴᒥᑦ ᑭᓇᐅᓂᖏᓐᓂᑦ ᐃᓄᐃᑦ ᐳᓛᕆᐊᖅᑐᑦ ᐱᔨᑦᑎᕋᐅᑎᑦᑎᓐᓂᑦ, ᑭᓯᐊᓂᓕ, ᕿᒥᕐᕈᓂᖕᒧᑦ ᐱᔨᑦᑎᕋᐅᑎᓄᑦ ᑎᑎᕋᕐᕕᒃᓴᑦ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ, ᓲᕐᓗ ᖃᐅᔨᓗᑕ ᐸᒡᕕᓵᖃᖕᒪᖔᑦ ᖃᕆᑕᐅᔭᒃᑯᑦ , ᐊᔪᕐᓇᙱᑐᐃᓐᓇᕆᐊᓕᒃ, ᑕᐃᒪᐃᒻᒪᑦ, ᐱᑕᖃᖅᐳᖅ ᐱᔨᑦᑎᕋᖕᓂᖕᒧᑦ ᑎᑎᕋᕐᕕᒃᓴᓂᑦ, ᐃᓗᓕᖃᖅᑐᓂᑦ ᐳᓚᕋᖅᑏᑦ IP ᑐᕌᕈᑎᖏᓐᓂᑦ, ᐱᕋᔭᖕᓂᖕᒧᑦ ᐊᑐᖅᑕᐅᔪᓐᓇᕋᔭᖅᑐᑦ ᖃᐅᔨᓂᐊᕐᓗᑎᒃ ᓇᓗᓇᐃᔭᐃᓗᑎᒡᓗ ᐃᓄᖕᓂᑦ. ᑎᑎᖅᑲᑦ ᑎᑎᕋᖅᓯᒪᓂᖏᑦ ᑐᓴᖅᑕᐅᑎᑕᐅᓇᔭᖅᑐᑦ ᓈᒻᒪᒃᑐᓄᑦ ᖃᐅᔨᓴᖅᑎᐅᔪᓄᑦ ᑎᒥᐅᔪᓄᑦ ᐱᔪᓐᓇᖅᑎᑕᐅᔪᓄᑦ ᖃᐅᔨᓴᕈᓐᓇᕐᓗᑎᒃ ᓱᕋᐃᔪᓂᒃ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ. NUQuits ᑐᙵᕕᐊ ᐊᑐᖅᐸᒃᐳᖅ "ᓂᕿᓂᒃ" ᐱᕕᖃᖁᓪᓗᑕ ᐋᖅᑭᒃᓱᐃᔪᓐᓇᕐᓂᕐᒥᒃ ᐊᑐᕐᓂᑯᖕᓂᒃ A "cookie" ᑎᑎᕋᖅᓯᒪᕗᖅ ᐃᓕᔭᐅᓪᓗᓂ ᑎᓯᔪᒧᑦ ᖃᕆᑕᐅᔭᕐᒧᑦ ᐃᑭᐊᖅᑭᑎᑦᑎᕕᖕᒧᑦ. ᑭᓯᐊᓂ ᑕᐃᒪᐃᒃᑯᕕᑦ ᐊᒃᑑᑎᑐᐃᓐᓇᕆᐊᓕᒃ ᐊᑐᕐᑕᕐᓂᒃ NUQuits Health ᑐᙵᕕᖓᓂᒃ ᐱᔪᓐᓇᕐᓂᕐᓂᒃᓗ ᐱᔪᓐᓇᕐᓗᑎᑦ ᐃᓚᖏᓐᓂᒃ ᐱᔨᑦᑎᕋᐅᑎᑦᑎᓐᓂᒃ.
ᐃᓕᖕᓅᖓᔪᑦ ᑐᑭᓯᒋᐊᕈᑎᑎᑦ ᐊᑐᖅᑕᐅᓂᖏᑦ
NUQuits−ᑯᑦ ᑲᑎᖅᓱᐃᓲᖑᕗᑦ ᐊᑐᖅᐸᒃᖢᑎᒡᓗ ᐃᓕᖕᓅᖓᔪᓂᒃ ᑐᑭᓯᒋᐊᕈᑎᓂᒃ ᐊᐅᓚᓐᓂᐊᕐᓗᒋᑦ NUQuits Health ᑐᙵᕕᐊ ᐊᒻᒪ ᐱᔨᑦᑎᕋᖅᐸᒡᓗᑎᑦ ᑐᒃᓯᕋᖅᑕᕐᓂᒃ. ᖃᖓᑐᐃᓐᓇᑦᑎᐊᒃᑯᑦ ᐅᖃᕈᓐᓇᖅᐳᑎᑦ, ᑐᒃᓯᕋᕈᓐᓇᖅᐳᑎᑦ ᐃᓕᖕᓂᒃ ᐅᖃᖃᑎᖃᕈᒪᒍᕕᑦ ᖃᓄᑐᐃᓐᓇᖅ. ᐃᕐᖐᓐᓈᖅᑕᐅᑎᕕᑦ ᑐᕌᕈᑎᖏᑦ ᐊᓯᔾᔨᕈᓐᓇᖅᑕᑎᑦ ᖃᖓᑐᐃᓐᓇᖅ.
ᐊᑐᓲᖑᖕᒥᔭᕗᑦ ᑐᑭᓯᒋᐊᒐᒃᓴᑦ ᑲᑎᖅᓱᖅᐸᒃᑕᕗᑦ ᐃᓕᖕᓅᖓᔪᑦ ᐊᐅᓚᑦᑎᔾᔪᑎᒋᓂᐊᕈᕕᒋᑦ ᐊᒻᒪ ᐱᐅᓯᒋᐊᖅᑎᓐᓂᐊᕐᓗᒋᑦ ᑐᙵᕕᕗᑦ. ᐊᑐᖅᑏᑦ ᑐᑭᓯᒋᐊᒐᒃᓴᖏᑦ ᐊᑐᑐᐃᓐᓇᕆᐊᖃᖅᑕᕗᑦ ᐃᑭᐊᖅᑭᕕᑦᑎᓐᓂ ᐱᔨᑦᑎᕋᕐᓂᕆᕙᒃᑕᕗᑦ ᐃᖏᕐᕋᑏᓐᓇᕋᓱᒡᓗᑎᒍᑦ. ᑖᓐᓇ ᐃᓚᖃᖅᐳᖅ ᐋᖅᑭᒃᓯᓂᕐᒥᒃ ᐱᓕᕆᔾᔪᑎᓄᑦ ᐃᑲᔫᑎᒃᓴᓂᒃ. ᖃᐅᔨᓇᓱᒡᓗᑕ ᖃᔅᓯᑦ ᐃᓄᐃᑦ ᖃᕆᑕᐅᔭᒃᑯᑦ ᐊᑐᕈᓐᓇᕐᒪᖔᑕ, ᑭᓱᓂᒡᓗ ᐊᑐᕐᒪᖔᑕ, ᖃᓄᐃᑦᑑᓂᖏᓪᓗ ᐊᑐᖅᐸᒃᑐᑦ, ᓲᕐᓗ, ᐅᓂᒃᑳᓕᐅᖕᓂᐊᖅᑐᒍᑦ ᖃᔅᓯᑦ ᐊᑐᖅᐸᒃᑐᑦ ᓄᖅᑲᕐᕕᒃᓴᖏᓐᓂᑦ ᐅᓪᓗᖏᓐᓂᑦ ᖃᔅᓯᓪᓘᓐᓃᑦ ᐊᑐᖅᑏᑦ ᐊᑎᓕᐅᖅᓯᒪᖕᒪᖔᖏᑦ ᖃᖓᑐᐃᓐᓇᒃᑯᑦ. ᐱᕙᓪᓕᐊᑎᑦᑎᓂᖅ ᐊᑑᑎᖃᑦᑎᐊᖅᑐᒥᒃ ᖃᕋᓴᐅᔭᒃᑯᑦ ᐱᓕᕆᐊᒃᓴᒥᑦ ᑲᔪᓯᓪᓗᓂ ᐱᓕᕆᐊᒃᓴᐅᔪᖅ ᐱᕙᓪᓕᐊᓂᓕᒫᖓᓂ ᐱᐅᓯᒋᐊᕐᓗᒍ ᑐᙵᕕᖓ, ᐱᓕᕆᐊᖃᕐᓂᐊᖅᑐᒍᑦ ᐊᔾᔨᒌᖏᑦᑐᓂᒃ ᖃᐅᔨᓴᕈᑎᓂᒃ ᑭᐅᒋᐊᕐᓗᑕ ᐊᐱᖅᑯᑎᓂᑦ ᖃᓄᖅ ᐊᑐᖅᑎᑦ ᐊᑐᕐᒪᖔᑕ ᐃᑭᐊᖅᑭᕕᑦᑎᓐᓂ. ᐃᓕᓯᔪᒍᑦ ᐃᓗᓕᖏᓐᓂ ᑐᕌᕆᓗᒍ ᐃᓕᖕᓅᖓᔪᑦ ᓇᓗᓇᐃᔭᐅᑎᓄᑦ ᐱᑎᑕᐅᔪᓄᑦ ᓲᕐᓗ, ᐃᕐᖐᓐᓈᕈᑎᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᑐᓴᖅᑎᑦᑎᔾᔪᑎᓂᒃᓘᓐᓃᑦ, ᐃᓗᓕᖏᑦ ᑖᒃᑯᐊ ᑐᙵᕕᖃᖅᑐᑦ ᑐᓴᐅᒪᔾᔪᑎᒃᓴᓂᑦ ᐊᕝᕗᖅᑕᓂᑦ ᐱᔨᑦᑎᕋᑦᑎᐊᒃᑲᓐᓂᕐᓂᕐᒧᑦ ᐃᓕᖕᓄᑦ.
ᓴᖅᑭᑦᑎᓂᖅ ᐃᓕᖕᓅᖓᔪᓂᒃ ᑐᑭᓯᒋᐊᕈᑎᓂᒃ
ᑕᒪᐃᓐᓄᑦ ᒪᓕᒋᐊᓕᒃ, ᑐᑭᓯᒋᐊᒐᒃᓴᓕᒫᑦ ᐱᔾᔪᑎᓖᑦ ᐊᑐᖅᑎᓂᒃ NUQuits Health ᑐᙵᕕᐊᓂ ᖁᓱᙱᑎᑕᐅᕐᔪᐊᓲᖑᕗᑦ ᐊᒻᒪ, ᑭᓯᐊᓂ ᑭᒡᓕᖃᖅᑎᑕᐅᓪᓗᑎᒃ, ᑭᒃᑯᑐᐃᓐᓇᓄᑦ ᓴᖅᑭᑕᐅᓲᖑᙱᑦᑐᑦ ᑭᓯᐊᓂ ᐅᖃᐅᓯᐅᒃᐸᑕ ᐅᕝᕙᓘᓐᓃᑦ ᐱᔪᓐᓇᖅᑎᑕᐅᑦᑎᐊᖅᐸᑕ ᑕᐃᒪᐃᑦᑐᓄᑦ ᐃᓄᖕᓄᑦ.
ᓂᐅᕐᕈᑎᖃᖅᐸᙱᑦᑐᒍᑦ ᐊᒥᖅᑳᖃᑎᖃᖅᐸᙱᓚᒍᓪᓘᓐᓃᑦ ᓇᖕᒥᓂᖅ ᑐᓴᖅᑕᐅᔪᒃᓴᖁᑎᖕᓂᒃ ᓯᓚᑖᓃᑦᑐᓄᑦ ᑲᑐᔾᔨᖃᑎᒌᓄᑦ ᑭᓯᐊᓂ ᐃᓚᐅᓯᑲᐅᑎᒋᒃᐸᑕ ᐱᔨᑦᑎᕋᕐᕕᖃᕐᓂᕐᒧᑦ ᖃᐅᔨᓴᖅᓯᓂᕐᒧᓪᓘᓐᓃᑦ ᑕᒪᑐᒥᖓ ᐱᓕᕆᐊᒃᓴᒥᒃ. ᓴᖅᑭᑦᑎᔪᓐᓇᕐᒥᔪᒍᑦ ᐃᓄᖕᒨᖓᔪᑦ ᑐᑭᓯᒋᐊᕈᑎᑦ ᓈᒻᒪᒃᓯᓕᕐᓗᒋᑦ ᒪᓕᒐᖅᑎᒍᑦ ᐱᔭᕆᐊᓕᑦ ᐅᕝᕙᓘᓐᓃᑦ ᐊᖏᖅᓯᒪᙱᑎᓪᓗᑕ, ᐱᔭᕆᐊᖃᖅᑎᑕᐅᔪᒃᑯᑦ ᐱᔪᓐᓇᖅᑎᑕᐅᔪᓪᓘᓐᓃᑦ ᒪᓕᒐᖅᑎᒍᑦ ᐱᔭᕆᐊᖃᖅᑎᓪᓗᑎᒍᑦ ᐱᔪᓐᓇᖅᑎᑕᐅᓗᑕᓘᓐᓃᑦ ᓴᖅᑭᑎᑦᑎᓂᕐᒥᒃ ᓇᖕᒥᓂᕆᔭᕐᓂ ᑐᓴᐅᒪᔾᔪᑎᒃᓴᓂᑦ ᐊᖏᖅᑕᐅᓯᒪᙱᓪᓗᑕ, ᓴᖅᑭᑎᑦᑎᔾᔮᙱᑦᑐᒍᑦ ᓇᓗᓇᐃᔭᐅᑎᒃᑲᓐᓂᕐᓂᒃ ᐱᔭᕆᐊᖃᖅᑕᑦᑎᓐᓂᒃ.
ᐃᓛᓐᓂᒃᑯᑦ ᐊᒥᖅᑳᕈᑎᖃᖅᐸᒃᐳᒍᑦ ᑲᑎᓯᒪᔪᓂᒃ ᑐᓴᖅᑕᐅᔪᒃᓴᓂᒃ ᐱᓕᕆᔨᒋᕙᒃᑕᑦᑎᓐᓄᑦ, ᑳᓐᑐᓛᖃᖅᑎᐅᔪᓄᑦ ᐃᓗᐊᖅᓴᐃᓂᕐᒧᓪᓘᓐᓃᑦ ᖃᐅᔨᓴᖅᑎᓄᑦ ᖃᐅᔨᓴᕐᓂᕐᒧᑦ−ᐊᒃᑐᐊᓂᓕᖕᓄᑦ ᐃᓱᒪᒋᔭᒃᓴᓄᑦ. ᑕᒪᓐᓇ ᑐᓴᖅᑕᐅᔪᒃᓴᖅ ᐃᓚᖃᙱᓚᖅ ᑭᓱᑐᐃᓐᓇᓂᒃ ᐊᑐᖅᑕᐅᔪᓐᓇᖅᑐᓂᒃ ᓇᓗᓇᐃᖅᓯᓂᐊᕐᓗᓂ ᐃᓕᖕᓂᒃ ᓲᕐᓗ ᐃᒪᓐᓇ, ᓴᖅᑭᑎᑦᑎᕙᒃᐳᒍᑦ ᓇᐃᓈᖅᓯᒪᔪᓂᒃ ᐅᓂᒃᑲᐅᓯᕐᓂᒃ ᑕᑯᒃᓴᐅᑎᑦᑎᔪᓂᒃ ᖃᔅᓯᐅᓂᖏᓐᓂᒃ ᐊᑐᖅᐸᒃᑐᑦ ᐊᔾᔨᒌᙱᑦᑐᓂᒃ ᐊᕐᕌᒍᓕᖕᓂᒃ, ᑭᓲᓂᖏᓐᓂᒃ/ᐊᖑᑕᐅᓂᖏᓐᓂᒃ ᓄᖅᑲᕐᓂᕐᒧᓪᓗ ᖃᓄᐃᓕᖓᓂᖓᓂᒃ.
ᐊᑦᑕᕐᓇᖅᑐᒦᑎᑦᑕᐃᓕᓂᖅ ᐃᓕᖕᓅᖓᔪᑦ ᑐᑭᓯᒋᐊᕈᑎᑎᑦ
ᐊᐅᓚᑦᑎᓪᓗᓂ NUQuits Health ᑐᙵᕕᐊᓂ, ᐃᓕᖕᓅᖓᔪᑦ ᑐᑭᓯᒋᐊᕈᑎᓯ ᐱᔪᓐᓇᐅᑎᖃᙱᑦᑐᓄᑦ ᐃᓯᕈᓐᓇᕐᓂᕐᒧᑦ, ᐊᑐᕈᓐᓇᕐᓂᕐᒧᑦ ᓴᖅᑭᑦᑎᓂᕐᒧᓪᓘᓐᓃᑦ. NUQuits−ᑯᑦ ᓴᐳᔾᔨᓲᖑᕗᑦ ᓇᖕᒥᓂᖅ ᓇᓗᓇᐃᖅᓯᓪᓗᑎᒃ ᑐᑭᓯᒋᐊᒐᒃᓴᓂᒃ ᐊᑐᐃᓐᓇᕈᖅᑎᑕᕐᓂᒃ ᖃᕆᑕᐅᔭᓕᕆᔾᔪᑎᓂᒃ ᐊᐅᓚᑕᐅᔪᓂᒃ, ᓴᐳᔾᔭᐅᓯᒪᔪᓂᒃ ᐊᕙᑎᖃᙱᑦᑐᓂᒃ, ᓴᐳᔾᔭᐅᓯᒪᔪᓂᒃ ᐱᔪᓐᓇᕐᓂᖃᙱᑦᑐᓄᑦ ᐃᓯᕈᓐᓇᖅᑐᓄᑦ, ᐊᑐᖅᑕᐅᔾᔪᑎᓄᑦ ᐅᕝᕙᓘᓐᓃᑦ ᓴᖅᑭᑕᐅᔪᓄᑦ.
ᐃᖅᑲᓇᐃᔭᖅᑏᑦ ᑳᓐᑐᓛᖃᖅᑎᐅᔪᓪᓗ ᐃᓚᐅᕙᒃᑐᑦ ᐊᐅᓚᓂᕆᔭᐅᔪᒥ ᐅᑯᓇᓂ, NUQuits Health Foundation−ᒥ ᐊᔪᕈᓐᓃᖅᓴᖅᑎᑕᐅᓯᒪᕗᑦ ᐃᒃᐱᒋᔭᖃᑦᑎᐊᕐᓂᕐᒥᒃ ᑐᓴᖅᑕᐅᔪᒃᓴᓂᒃ ᐱᔭᐅᓯᒪᔪᓂᒃ ᐱᓕᕆᔪᖃᖅᑎᓪᓗᒍ ᐅᑯᓄᖓ, NUQuits Health ᑐᙵᕕᒋᔭᐅᔪᒥᒃ ᓲᕐᓗ ᐃᒪᓐᓇ, ᐊᐱᕆᒍᕕᑦ ᐱᑐᐃᓐᓇᐅᙱᑦᑐᒥᒃ ᐅᖃᐅᔾᔪᐃᔨᒥᒃ, ᑖᓐᓇ ᐅᖃᐅᔾᔪᐃᔨ ᓴᖅᑭᑎᑦᑎᔾᔮᙱᓐᓂᖓᓂᒃ ᐊᑏᑦ ᖃᕆᑕᐅᔭᒃᑯᓪᓘᓐᓃᑦ ᑐᕌᕈᑎᖕᓂᒃ ᐊᓯᖕᓄᑦ, ᐅᖃᖃᑎᖃᕆᐊᖃᖅᐸᑦ ᐃᓗᓕᖏᓐᓂᒃ ᐱᑐᐃᓐᓇᐅᙱᑦᑐᒥᒃ ᐊᐱᖅᑯᑎᒃᓴᒥᒃ ᐃᓕᖕᓄᑦ ᐃᑲᔪᑦᑎᐊᒃᑲᓐᓂᕈᒪᒍᕕᑦ. ᐅᖃᐅᓯᕆᓗᒍ ᐱᓕᕆᔾᔪᑎᓄᑦ ᐊᑲᐅᙱᓕᐅᕈᑎ, ᐱᓕᕆᔾᔪᑎᓕᕆᔨ ᐋᖅᑭᒃᓯᓇᓱᒃᑎᓪᓗᒍ ᐊᑲᐅᙱᓕᐅᕈᑎᒥᒃ ᑕᑯᑐᐃᓐᓇᕆᐊᓕᒃ ᑐᓴᐅᒪᔾᔪᑎᒃᓴᓂᑦ ᓲᕐᓗ ᓄᖅᑲᕐᕕᒃᓴᕕᑦ ᐅᓪᓗᖓᓂᒃ, ᑕᐃᓐᓇ ᑐᓴᖅᑎᑦᑎᓇᔭᙱᑦᑐᖅ ᑭᓇᑐᐃᓐᓇᕐᒧᑦ ᑭᓯᐊᓂ ᐋᖅᑭᒋᐊᖃᕈᓂ ᐊᑲᐅᙱᓕᐅᕈᑎ.
ᓴᐳᑎᓂᐊᖅᐸᑦᑎᒋᑦ ᑐᙵᕕᑦᑎᓐᓃᓕᕈᕕᑦ
NUQuits ᑐᙵᕕᐊ ᐃᓗᓕᖃᑐᐃᓐᓇᕆᐊᖃᖅᐳᖅ ᐊᑐᖅᑕᐅᖔᕈᓐᓇᖅᑐᓂᒃ ᐊᑦᑕᑕᕐᕕᐅᔪᓐᓇᖅᑐᓂᒃ ᐱᓕᕆᖃᑎᒌᓄᑦ ᐊᒻᒪ ᒐᕙᒪᒃᑯᑦ ᓯᓚᑖᓂᙶᖅᑐᓂᒃ ᑐᑭᓯᒋᐊᒐᒃᓴᓄᑦ ᐃᑭᐊᖅᑭᕕᖕᓄᑦ ᐊᒻᒪ ᐱᔨᑦᑎᕋᐅᑎᓄᑦ ᑲᑎᖅᓱᐃᑐᐃᓐᓇᕆᐊᓕᖕᓄᑦ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᓂᒃ ᐃᒡᕕᔅᓯᓪᓘᓐᓃᑦ ᒥᒃᓵᓄᑦ. ᑐᑭᓯᐅᒪᔪᓐᓇᕐᓗᑎᑦ ᖃᓄᖅ ᑖᒃᑯᐊ ᐃᑭᐊᖅᑭᕕᑦ ᓄᐊᑦᑎᕙᖕᒪᖔᖏᑦ, ᐊᑐᖕᒪᖔᖏᑦ ᑐᓴᖅᑎᑦᑎᕙᖕᒪᖔᓪᓗ ᐃᓕᖕᓅᖓᔪᓂᑦ.
ᐊᓯᔾᔨᖅᑕᖅᑐᑦ ᐱᓕᕆᔾᔪᓰᑦ
ᐱᕙᓪᓕᐊᑎᑕᐅᓂᖓ NUQuits ᑐᙵᕕᖓᓄᑦ ᐱᓕᕆᔾᔪᓰᑦ ᓴᐳᔾᔨᓂᕐᒧᑦ ᐃᓄᖕᒨᖓᔪᑦ ᑐᑭᓯᒋᐊᕈᑎᓂᒃ ᐱᓕᕆᐊᖑᐃᓐᓇᖅᐳᖅ ᐊᓯᔾᔨᖅᐸᓪᓕᐊᓂᖏᓐᓄᑦ ᐱᓕᕆᔾᔪᑎᑦ ᐊᒻᒪ ᒪᓕᒐᖅᑎᒍᑦ ᐱᔭᐅᒋᐊᓕᑦ ᐊᓯᖏᓪᓗ ᐱᔾᔪᑕᐅᓲᑦ, ᓄᓇᕗᒻᒥ ᐱᖁᑏᑦ ᐃᒪᐃᓐᓂᐊᖅᐳᑦ , ᖃᑯᒍᙳᕌᖓᑦ, ᕿᒥᕐᕈᔭᐅᓗᑎᒃ ᐊᒻᒪ ᐋᖅᑭᒋᐊᖅᑕᐅᓗᑎᒃ ᑖᒃᑯᐊ ᑎᑎᕋᖅᓯᒪᔪᑦ.
ᑐᓴᖅᑕᐅᔭᕆᐊᖃᓪᓚᕆᒃᑐᖅ
ᓄᓇᕗᒻᒥᖁᑏᑦ ᑐᙵᕕᐊ ᑐᕌᖓᑎᑕᐅᙱᑦᑐᖅ ᐃᓄᖕᓄᑦ ᐊᕐᕌᒍᓕᖕᓄᑦ 18 ᑐᖔᓂ. ᖃᐅᔨᒪᔾᔮᙱᑦᑐᒍᑦ ᑲᑎᖅᓱᐃᓂᕐᒥᒃ ᐱᓯᒪᐃᓐᓇᕐᓂᕐᒧᓪᓘᓐᓃᑦ ᖃᓄᑐᐃᓐᓇᖅ ᓇᖕᒥᓂᕆᔭᕐᓂ ᑐᓴᐅᒪᔾᔪᑎᒃᓴᓂᑦ ᐳᓛᖅᑎᓄᑦ 18 ᑐᖔᓂ ᐅᑭᐅᓕᖕᓄᑦ, ᑭᓯᐊᓂ ᐱᒍᑦᑕ ᐊᖓᔪᖅᑳᒥᒃ ᒪᓕᒐᖅᑎᒍᑦᓘᓐᓃᑦ ᑲᒪᔨᒥᒃ ᐊᖏᕈᑎᒥᒃ. ᑎᓕᐅᕆᕗᒍᑦ ᐃᑲᔪᖅᓱᐃᓗᑕᓗ ᐱᓇᔪᒃᑕᖏᓐᓂ ᐊᖓᔪᖅᑳᑦ ᒪᓕᒐᖅᑎᒍᓪᓗ ᑲᒪᔨᑦ ᖃᐅᔨᓴᐃᓐᓇᕐᓗᑎᒃ ᕿᑐᕐᖓᖏᑕ ᐃᑭᐊᖅᑭᕕᖓᓂ ᐊᑐᕐᓂᕐᓂ ᐅᔾᔨᖅᓱᑦᑎᐊᕐᓗᒋᓪᓗ ᐱᑎᑦᑎᓗᑎᒃ ᓇᖕᒥᓂᕆᔭᕐᓂ ᑐᓴᐅᒪᔾᔪᑎᒃᓴᓂᑦ ᖃᓄᑐᐃᓐᓇᖅ ᐃᑭᐊᖅᑭᕕᖕᒧᑦ ᓇᓕᐊᖕᓄᑐᐃᓐᓇᖅ ᐃᑭᐊᖅᑭᕕᖕᒧᑦ. ᐊᖏᙱᖦᖢᑎᒃ.
ᖃᓄᖅ ᐅᕙᑦᑎᓐᓄᑦ ᖃᐅᔨᒋᐊᕈᓐᓇᕐᒪᖔᑦ
ᐊᐱᖅᑯᑎᒃᓴᖃᕈᕕᑦ ᐃᓱᒫᓘᑎᖃᕈᕕᓪᓘᓐᓃᑦ ᑐᓴᖅᑕᐅᔭᕆᐊᖃᙱᑦᑐᓄᑦ ᐱᐅᓯᑦᑎᓐᓂᑦ, ᖃᐅᔨᒋᐊᕐᕕᒋᑎᒍᑦ.