ᓱᐴᖅᑐᖃᑦᑕᕈᓐᓃᕐᓂᖅ, ᖃᓄᑐᐃᓐᓇᖅ ᐅᑭᐅᖃᓕᕈᓂ, ᐃᓱᒪᑐᔫᕗᖅ. ᑭᒡᓕᓯᓂᐊᖅᑕᐅᓯᒪᔪᑦ ᑲᓇᑕᒥ 9%−ᐸᓗᐃᑦ ᐊᖑᑎᑦ ᐊᕐᓇᐃᓪᓗ ᐅᑭᐅᖃᖅᑐᑦ 65 ᐅᖓᑖᓂ ᓱᓕ ᐅᖃᖃᑦᑕᖅᐳᑦ ᑕᕝᕚᑭᑐᖃᑦᑕᕐᓂᖏᓐᓂᒃ ᖃᐅᑕᒫᑦ ᐅᕝᕙᓘᓐᓃᑦ ᐃᓛᓐᓂᓚᐅᓱᖓᖅ, ᑕᒪᓐᓇ ᑐᑭᖃᖅᖢᓂ ᓱᐴᖅᑐᖃᑦᑕᕐᓂᖅ ᐃᓱᒫᓘᑕᐅᖏᓐᓇᖅᐳᖅ ᓘᒃᑖᓄᑦ ᐊᓯᖏᓐᓄᓪᓗ ᐋᓐᓂᐊᕕᖕᒥ ᐱᓕᕆᔨᒻᒪᕆᖕᓄᑦ.
ᐃᓐᓇᐃᑦ ᐊᒻᒪ ᓱᐴᖅᑐᖃᑦᑕᖅᑐᑦ
- Home
- ᐊᑐᐃᓐᓇᐅᑎᑦᑎᓂᖅ
- ᐃᓐᓇᐃᑦ ᐊᒻᒪ ᓱᐴᖅᑐᖃᑦᑕᖅᑐᑦ
ᐃᑲᔫᑏᑦ ᓄᖅᑲᕐᓂᕐᒧᑦ
ᑭᖑᕙᕐᕕᖃᙱᑦᑐᖅ ᓱᐴᖅᑐᖃᑦᑕᕈᓐᓃᕐᓂᕐᒧᑦ. ᐅᓪᓗᖏᓐᓂ ᓄᖅᑲᕋᓱᒃᓗᓂ, ᐊᓂᕐᓂᑭᓐᓂᖅᓴᐅᓕᕐᓗᓂ, ᐃᓅᑉ ᑎᐱᖓ ᑎᐱᖓᓗ ᐱᐅᓯᕚᓪᓕᕐᓗᓂ. ᓱᐴᖅᑐᖅᑎᐅᙱᑦᑐᑦ ᒪᒥᑉᐸᓪᓕᐊᓲᑦ ᐱᓚᒃᑐᐃᔨᓄᑦ ᐊᒻᒪ ᐅᒃᐱᑲᕐᓂᕐᒧᑦ ᐋᓐᓂᕐᓂᕐᒧᑦ ᓱᒃᑲᓂᖅᓴᐅᓪᓗᑎᒃ ᓱᐴᖅᑐᖅᑎᓂᑦ. ᐊᒻᒪᓗ ᐊᑯᓂᒧᑦ ᓯᒡᒐᓕᐊᖅᑐᖃᑦᑕᖅᑐᑦ ᑕᑯᓂᐊᖅᑐᑦ ᕿᓚᒥᐅᔪᒧᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᑎᓂᒃ ᓱᑲᓐᓂᖅᓴᒥᒃ ᑕᐃᒃᑯᓂᖓ ᓯᒡᒐᓕᐊᖅᑐᖅᓯᒪᔪᓂᒃ ᕿᓚᒥᕈᓗᒃ.
ᐊᒃᓱᕈᖕᓇᖅᑐᑦ
ᐃᓐᓇᐃᑦ ᐊᔾᔨᒌᙱᑦᑐᓂᒃ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐋᓐᓂᐊᖅᑐᓕᕆᔾᔪᑎᖏᓐᓄᑦ, ᐱᓗᐊᖅᑐᒥ ᑕᐃᒃᑯᓄᖓ ᐊᑯᓂᐅᔪᒃᑯᑦ ᑲᒪᒋᔭᐅᕝᕕᖕᒦᑦᑐᓄᑦ. ᐊᐅᓚᑦᑎᔩᑦ ᑕᒪᒃᑯᓂᖓ ᐃᓂᒋᔭᐅᔪᓂᒃ ᐱᓕᕆᐊᖃᕆᐊᖃᖅᐳᑦ ᑕᒪᐃᓐᓂ ᐊᑐᕈᓐᓇᖅᑐᓕᒫᓂᒃ ᒪᓕᒐᕋᓛᓂᒃ ᐱᖁᔭᓕᐊᖑᓯᒪᔪᓂᒡᓗ ᐃᓂᖃᖅᑎᑦᑎᔪᒪᓂᕐᒧᑦ ᐃᓐᓇᕐᓂᒃ ᑕᕝᕚᑭᒥᒃ ᐊᑐᖅᐸᒃᑐᓂᒃ, ᐊᒻᒪᓗᑦᑕᐅᖅ ᑕᐃᒃᑯᐊ ᓄᖅᑲᕋᓱᒃᑐᑦ.
ᖃᓄᐃᓕᐅᕈᑕᐅᔪᒪᔪᑦ ᓄᖅᑲᕐᓂᕐᒧᑦ
ᐃᓐᓇᐃᑦ ᐊᑐᕈᓐᓇᖅᐳᑦ ᐊᒥᓱᓂᒃ ᑖᒃᑯᓂᖓᑦᑕᐃᓐᓇᖅ ᖃᓄᐃᓕᐅᖅᑕᐅᕙᓪᓕᐊᔪᒪᔪᓂᒃ ᐊᑐᖅᑕᐅᔪᓂᒃ ᓱᐴᖅᑐᖅᑎᓄᑦ ᐊᓯᖏᓐᓂᒃ ᐊᕐᕌᒍᓕᖕᓂᒃ. ᑕᒪᒃᑯᐊ ᐃᓚᖃᖅᐳᑦ ᐅᐸᒃᓯᑦᑕᐃᓕᒪᓂᕐᒥᒃ ᐃᓂᓂᒃ ᐊᓯᑎᑦ ᓱᐴᖅᑐᕐᕕᐅᕙᒃᑐᑦ, ᐲᔭᐃᓂᖅ ᐊᐅᒪᕙᒃᑐᓂᒃ ᐊᓯᖏᓐᓂᒡᓗ ᐱᖁᑎᓂᒃ ᐃᖅᑲᐃᓯᔾᔪᑕᐅᕙᒃᑐᓂᒃ ᓱᐴᖅᑐᕐᓂᕐᒥᒃ ᐊᖏᕐᕋᕆᔭᒥᓄᑦ, ᓇᓂᓯᓂᕐᒥᒃ ᐊᓯᖏᓐᓂᒃ ᐊᑐᖅᑕᐅᔪᓐᓇᖅᑐᓂᒃ ᑲᒪᒋᔭᖃᕐᓂᐊᕐᓗᓂ ᐊᒃᓱᕈᕐᓇᖅᑐᒥᒃ ᐊᑐᕐᓗᓂᓗ ᑎᓴᒪᓂᒃ D−ᓂᒃ ᑲᒪᒋᔭᖃᕐᓂᐊᕐᓗᓂ ᖀᓕᕐᓂᕐᓂᒃ (ᐊᓂᖅᓵᖅᑐᕐᓂᖅ, ᐃᓕᖕᓂᒃ ᐅᓚᕕᓴᕐᓂᖅ, ᐅᖓᕙᕆᐊᖅᑎᑦᑎᓂᖅ ᓱᐴᖅᑐᕐᓂᕐᒥᒃ 5−ᓂᒃ ᑎᑦᑕᑯᓗᖕᓂᒃ ᐃᒥᕐᓗᓂᓗ).
ᐃᒻᒥᓂᒃ ᐅᖃᐅᑎᑐᐃᓐᓇᕐᓗᑎᑦ ᓄᖅᑲᕈᓐᓇᕐᓂᕐᓂᒃ ᓱᐴᖅᑐᖃᑦᑕᕐᓂᕐᒥᒃ ᐊᓯᔾᔩᔪᓐᓇᕐᓂᕐᓂᒃ. ᓄᖅᑲᕈᓐᓇᕐᓂᖅᓴᐅᓇᔭᖅᑐᑎᑦ ᐅᒃᐱᕈᓱᒃᑯᕕᑦ ᑕᐃᒪᐃᑦᑐᓐᓇᕋᓱᒋᒍᕕᑦ.
ᐃᓕᖕᓂᒃ ᐋᖅᑭᒃᓯᓗᑎᑦ ᑲᔪᓯᓂᖃᑦᑎᐊᕐᓂᐊᕐᓂᕐᒧᑦ ᐋᖅᑭᒃᓱᐃᓗᑎᑦ ᐊᑕᖐᔪᒥᒃ ᐱᕙᒌᔭᕈᑎᒥᒃ ᓄᖅᑲᕐᓂᕐᒧᑦ. ᐋᖅᑭᒃᓯᓗᑎᑦ ᓄᖅᑲᕐᕕᒃᓴᖓᑕ ᐅᓪᓗᖓᓂᒃ ᓯᕗᓂᐊᒍᑦ. ᐋᖅᑭᒃᓯᓗᑎᑦ ᓄᖅᑲᕐᕕᒃᓴᖓᑕ ᐅᓪᓗᖓᓂᒃ ᓯᕗᓂᐊᒍᑦ, ᐃᑲᔪᖅᑕᐅᔪᒪᓗᑎᓪᓗ ᖃᑕᙳᑎᑎᑦ ᐱᖃᓐᓇᕆᔭᑎᓪᓗ ᐃᑲᔪᕐᓗᓯ ᑕᕝᕚᑭᑐᖃᑦᑕᖁᙱᓪᓗᒋᑦ. ᐊᓯᖏᑦ ᐃᑲᔫᑎᖃᕈᒥᓇᖅᑐᑦ ᐃᓚᓯᓗᓂ ᐃᓅᓯᓕᕆᔭᐅᓂᕐᒥᒃ ᐃᓅᓕᓴᐅᑎᓂᒃᓘᓐᓃᑦ (ᓲᕐᓗ ᑕᕝᕚᑭᒦᑦᑐᖅ ᐅᐃᕆᓐᓇᖅᑐᓄᑦ ᐃᓇᖐᔾᔪᑎᑦ ᒪᒥᓴᐅᑎᑦ ᓲᕐᓗ ᑕᒧᐊᑦᑐᐊᑦ, ᓂᐱᑎᒐᑦ, ᓂᐅᕆᐊᓕᑦ ᐅᖁᒻᒥᐊᒐᓪᓘᓐᓃᑦ) ᓄᖅᑲᕐᓂᕐᒧᑦ ᐸᕐᓇᐅᑎᖓᓄᑦ.