ᐃᓚᖏᑦ ᖃᐅᔨᓴᕈᑎᑦ ᑕᑯᑎᑦᑎᔪᑦ ᓱᕐᕋᖕᓇᖅᑐᖅ ᐃᑲᔫᑎᖃᖅᑰᔨᔪᖅ ᐋᓐᓂᐊᑯᑖᖕᓇᖅᑐᓄᑦ ᐃᓐᓇᕐᓄᑦ ᐱᐅᓯᒋᐊᕐᓗᒋᓪᓗ ᖃᐅᔨᒪᓇᕈᑎᑦ ᖃᓄᐃᓕᖓᓂᕐᓄᑦ ᓲᕐᓗ ᐅᓄᖅᑐᓄᑦ ᕿᓕᖅᓯᓇᖅᑐᓄᑦ. ᐃᑲᔪᕐᒥᔪᖅ ᐊᐅᓚᓪᓗᒋᑦ ᐊᒃᑑᑎᔪᑦ ᒥᕆᐊᙳᓂᕐᒧᑦ ᒥᕆᐊᙳᓂᕐᒧᓪᓗ ᓄᖑᓴᖅᑕᐅᓂᕐᒧᑦ ᐱᑎᑦᑎᔪᓐᓇᖅᑐᖅ.
ᑭᓯᐊᓂ, ᐃᓅᓕᓴᐅᑎᐅᙱᑦᑐᑦ ᓱᕐᕋᖕᓇᖅᑐᑦ ᒪᓕᒐᖅᑎᒎᖓᖕᒪᑕ, ᑐᑭᖃᙱᑦᑐᖅ ᐱᕐᔪᐊᖑᙱᖦᖢᑎᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑦᑕᕐᓇᖅᑐᑦ ᐊᒃᑐᐊᓂᓖᑦ. ᐱᑕᖃᖅᐳᖅ−ᐱᒻᒪᕆᐅᕗᕐᓗ ᐃᓱᒪᒃᓴᖅᓯᐅᕈᑎᒋᓗᒍ ᖁᐊᖅᓵᕐᓇᖅᑐᖅ, ᖃᓄᕐᓗ ᐊᑐᖅᐸᖕᓂᕐᓗᓂ ᓱᕐᕋᖕᓇᖅᑐᒥᒃ ᐊᒃᑐᖅᓯᔪᓐᓇᕐᒪᖔᑦ ᖃᐅᑕᒫᑦ ᐃᓅᓯᕆᕙᒃᑕᖏᓐᓂᒃ, ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ, ᐊᕗᖓᑲᓪᓚᒡᓗ ᖃᓄᐃᙱᑦᑐᓐᓇᕐᓂᖏᓐᓄᑦ.
ᒪᓕᒃᖢᒍ 2017 −ᒥ ᑲᓇᑕᒥ ᑎᐹᖕᒧᑦ, ᐃᒥᐊᓗᖕᒧᑦ ᐋᖓᔮᕐᓇᖅᑐᓄᓪᓗ ᖃᐅᔨᓴᕈᑎᑦ:
ᓱᕐᕋᖕᓇᖅᑐᖅ ᐊᑐᖅᑕᐅᓂᖅᐹᖑᖃᑕᐅᕗᖅ ᑲᓇᑕᒥ ᓇᑉᐸᑲᓴᑦᑎᐊᖏᑦ ᑲᓇᑕᒥᐅᑦ ᐅᑭᐅᓖᑦ 15−ᓂᒃ ᐅᖓᑖᓂᓘᓐᓃᑦ ᐆᒃᑐᖅᓯᒪᓂᕋᖅᖢᑎᒃ
ᑲᓇᑕᒥᐅᑦ ᒪᒃᑯᒃᑐᑦ ᐅᑭᐅᓖᑦ 15-ᒥᑦ 19-ᒧᑦ, ᐊᐃᑉᐸᕆᓕᖅᑕᖓᓂ ᐊᑭᑐᓛᒥᒃ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᓄᓇᕐᔪᐊᒥ.
14.8% ᑲᓇᑕᒥᐅᑦ ᐅᑭᐅᖃᖅᑐᑦ 15 ᐅᖓᑖᓂ ᐊᑐᖃᑦᑕᖅᓯᒪᕗᑦ ᐊᕐᕌᓂ, ᐊᒻᒪ 18% ᐊᑐᖃᑦᑕᖅᓯᒪᓪᓗᓂᒋ ᑕᖅᑭᑦ ᐱᖓᓱᑦ ᐃᓗᐊᓂ. 2019−ᒥ, 6.1% ᑲᓇᑕᒥᐅᑦ 15−ᓂᒃ ᐅᖓᑖᓂᓪᓗ ᐅᖃᓚᐅᖅᐳᑦ ᖃᐅᑕᒫᑦ ᐊᑐᖃᑦᑕᕐᓂᕋᖅᖢᑎᒃ.
23.4% ᐃᓄᐃᑦ ᐳᕆᑎᔅ ᑲᓚᒻᐱᐊᒥ ᐅᖃᓚᐅᖅᐳᑦ ᓱᐴᖅᑐᒐᖃᑦᑕᕐᓂᕋᖅᖢᑎᒃ ᐊᕐᕌᒍᕆᓵᖅᑕᑦᑎᓐᓂ, ᑲᓇᑕᒥᐅᓄᑦ ᒥᒃᓴᐅᑦᑎᓯᒪᔪᑦ ᐅᖓᑎᑦᑎᐊᖓᓃᖦᖢᑎᒃ
ᑕᐃᒃᑯᐊ ᐅᑭᐅᓖᑦ 15-24 ᐊᑐᒐᔪᓚᐅᖅᑐᑦ (19% ᐅᑭᐅᖃᖅᑐᑦ 15-19 ᐊᒻᒪ 33% ᐅᑭᐅᓖᑦ 20-24).
34.8% ᑲᓇᑕᒥᐅᑦ ᐅᑭᐅᓖᑦ 18-24 ᐅᖃᓚᐅᖅᐳᑦ ᐊᑐᖃᑦᑕᕐᓂᕋᖅᖢᑎᒃ ᑕᖅᑭᑦ ᐱᖓᓱᑦ ᐃᓗᐊᓂ.
12.5%−ᐸᓗᐃᑦ ᐃᓄᐃᑦ ᐊᕐᕌᒍᓖᑦ 18-24−ᒧᑦ ᐅᖃᓚᐅᖅᐳᑦ ᖃᐅᑕᒫᑦ ᐊᑐᖃᑦᑕᕐᓂᕋᖅᖢᑎᒃ.
12.7% ᐃᓄᐃᑦ 25 ᐅᖓᑖᓄᓪᓗ ᐅᖃᓚᐅᖅᐳᑦ ᐊᑐᖃᑦᑕᕐᓂᕋᖅᖢᑎᒃ ᐊᕐᕌᓂ.
ᖃᐅᔨᓴᕐᓂᕆᔭᐅᔪᑦ ᑕᑯᑎᑦᑎᕗᑦ ᐊᑐᖅᖢᓂ ᓱᕐᕋᖕᓇᖅᑐᒥᒃ ᐊᕐᕌᒍᓕᖕᓂᒃ 25 ᑐᖔᓂ ᐊᒃᑐᖅᓯᔪᓐᓇᖅᐳᖅ ᖃᓄᖅ ᖃᕋᓴᖅ ᐱᕙᓪᓕᐊᕙᖕᒪᖔᑦ. ᓱᕋᒃᑐᖅ ᐊᒃᑐᐃᔪᓐᓇᖅᑐᖅ ᐃᓄᖕᒥᒃ ᐃᓅᓯᓕᒫᖓᓄᑦ. ᐅᑭᐅᓖᑦ 25 ᑐᖔᓂ ᐊᑐᕐᓂᖅ ᐊᒃᑐᐃᔪᓐᓇᖅᐳᖅ ᐃᖅᑲᐅᒪᔪᓐᓇᕐᓂᕐᒥᒃ, ᐃᓕᑦᑎᕙᓪᓕᐊᓂᕐᒥᒃ, ᓈᓚᒍᓐᓇᕐᓂᕐᒥᒃ, ᐃᓱᒪᓕᐅᕆᓂᕐᒥᒃ, ᐊᒻᒪ ᐃᓱᒪᓕᐅᕆᓂᕐᒥᒃ −ᐃᓱᒪᖃᙱᓪᓗᓂ ᖃᓄᖅ ᑎᒥᓕᒫᒥᒃ ᐊᒃᑐᐃᕙᖕᒪᖔᑦ.
ᖃᓄᑎᒋ ᓱᕐᕋᖕᓇᖅᑐᖅ, ᖃᓄᑎᒋ, ᖃᓄᑎᒋᓗ ᐊᑐᖃᑦᑕᕐᒪᖔᖅᐱᐅᒃ ᐊᒃᑐᐃᑎᒋᓂᐊᕐᒪᖔᑦ ᖃᓄᑎᒋ ᖃᓄᑎᒋᓗ ᐊᒃᑐᐃᓂᖃᕈᓐᓇᕐᒪᖔᑦ ᐋᓐᓂᐊᖃᖅᑕᐃᓕᒪᓂᕐᒧᑦ:
