ᐅᐊᔭᒨᖅᑐᑦ ᓯᒡᒐᓕᐊᑦ ᐹᑕᓖᒨᖅᑐᑦ ᐃᓕᔾᔨᕕᖃᖅᑐᑦ ᐃᒪᓕᖕᓂᒃ ᐃᓚᐅᕈᑎᒃᓴᖃᖅᖢᑎᒃ. ᐆᓇᖅᓯᑦᑎᕐᓗᒍ ᐹᑕᓖᒨᖅᑐᒧᑦ ᓴᙱᓕᖅᓯᒪᔪᒧᑦ ᐃᓚᐅᕈᑎᒥᒃ ᐳᔪᙳᖅᑎᑦᑎᕙᒃᐳᖅ − ᑎᖕᒥᑳᓲᒥᒃ - ᐊᑐᖅᑎ ᓂᐅᖅᓯᓗᓂ (ᑕᐃᔭᐅᔪᖅ ᓂᐅᖅᑐᒐᕐᓂᖅ). ᐅᐊᔭᒨᖅᑐᑦ ᓯᒡᒐᓕᐊᑦ ᓯᒡᒐᓕᐊᖑᖅᑰᔨᔪᓐᓇᖅᑐᑦ. ᐃᓚᖏᑦ ᑲᑉᐳᔾᔭᖅᑐᒨᖅᑐᑦ ᓯᒡᒐᓕᐊᙳᐊᑦ ᓲᕐᓗ ᓯᒡᒑᑦ ᐅᕝᕙᓘᓐᓃᑦ ᓱᑉᓗᓖᑦ ᐅᕝᕙᓘᓐᓃᑦ ᖃᕆᑕᐅᔭᒧᑦ ᑲᑉᐳᑎᓲᖅ ᑐᖅᑯᖅᑎᕆᕝᕕᑦ. ᐅᐊᔭᒨᖅᑐᑦ ᓯᒡᒐᓕᐊᑦ ᐃᒋᑕᒃᓴᐅᔪᓐᓇᖅᑐᑦ ᐊᑐᖅᑕᐅᒃᑲᓐᓂᕈᓐᓇᖅᑐᓪᓘᓐᓃᑦ. ᐊᑐᒃᑲᓐᓂᕈᓐᓇᖅᑐᑦ ᐅᐊᔭᒨᖅᑐᑦ ᓯᒡᒐᓕᐊᑦ ᐃᓕᔾᔨᕕᖃᖅᑐᑦ ᐅᕝᕙᓘᓐᓃᑦ pods−ᖃᖅᑐᑦ ᐃᒪᖃᕐᓗᑎᒃ ᐃᒻᒥᖅᑕᐅᒃᑲᓐᓂᕈᓐᓇᖅᑐᓂᒃ ᐅᕝᕙᓘᓐᓃᑦ ᐊᓯᔾᔨᖅᑕᐅᔪᓐᓇᖅᖢᑎᒃ e-liquid−ᒧᑦ.
ᐅᑯᐊ ᐅᖃᐅᓯᐅᒐᔪᖕᓂᖅᐹᖑᔪᑦ ᐊᔾᔨᒌᙱᑦᑐᑦ ᐃᒪᖅ ᐊᒻᒪ propylene glycol. ᐊᒥᓱᑦ ᐅᐊᔭᒨᖅᑐᑦ ᓯᒡᒐᓕᐊᑦ ᐃᓚᐅᕈᑎᒃᓴᖃᕐᒥᔪᑦ ᐳᔪᕐᒧᑦ ᑎᐱᖃᓕᖅᑎᑦᑎᓪᓗᑎᒃ. ᖃᐅᔨᓴᖅᑕᐅᔪᑦ ᖃᐅᔨᓚᐅᖅᐳᑦ ᑕᒪᕐᒥᑲᓴᑦᑎᐊᖅ ᑕᕝᕚᑭᒦᑦᑐᑦ ᐅᐃᕆᓐᓇᖅᑐᑦ, ᓂᐅᕐᕈᑕᐅᔪᓐᓇᕋᓗᐊᖅᑎᓪᓗᒋᑦ "ᑕᕝᕚᑭᒦᑦᑐᖅ ᐅᐃᕆᓐᓇᖅᑐᖃᙱᖦᖢᓂ".
ᓇᐃᓈᕐᓗᒍ ᑭᐅᔾᔪᑎ "ᐋᒃᑲ" ᐅᐊᔭᒨᖅᑐᑦ ᓯᒡᒐᓕᐊᑦ ᐊᑦᑕᕐᓇᕐᒪᑕ.
ᐅᐊᔭᒨᖅᑐᑦ ᓯᒡᒐᓕᐊᑦ ᓴᓇᕙᙱᒻᒪᑕ ᐅᓪᓗᕆᐊᕐᒥᑦ ᐊᓂᖅᑎᕆᔪᓐᓃᕐᓇᕐᑐᒥᒡᓘᓐᓃᑦ, ᒪᕐᕉᒃ ᑐᖁᓐᓇᖅᑐᓂᑦ ᓇᓂᔭᐅᔪᑦ ᑕᕝᕚᑭᒥᑦ, ᐊᑦᑕᖕᓇᙱᓐᓂᕐᓴᐅᑐᐃᓐᓇᕆᐊᓖᑦ ᓱᐴᖅᑐᕆᐊᒃᓴᖅ ᓯᒡᒐᓕᐊᒥᑦ−ᑭᓯᐊᓂ ᑐᑭᖃᙱᑦᑐᖅ ᐋᓐᓂᖕᓇᙱᓐᓂᖓᓂᑦ.
ᓂᖀᑦ ᓂᖀᑦ, ᐃᓚᒃᓴᓪᓗᐊᑕᖏᑦ e-liquid-ᒥ, ᓂᕆᔭᒃᓴᓂᒃ ᐱᐅᕐᓱᐊᕈᑕᐅᕗᖅ. ᖃᐅᔨᒪᙱᑦᑐᒍᑦ ᓱᓕ ᐳᔫᖅᑎᑕᐅᓯᒪᔪᖅ ᒥᓗᒃᓯᔾᔪᑎ ᐅᕝᕙᓘᓐᓃᑦ ᐊᓯᖏᑦ ᐃᓚᐅᕈᑎᒃᓴᑦ ᐃᓕᔾᔨᕕᖕᓂ ᐊᑦᑕᕐᓇᙱᒻᒪᖔᑕ. ᐳᕙᖏᑦ ᐸᒡᕕᓇᑐᐃᓐᓇᕆᐊᓖᑦ ᐊᒻᒪ ᐊᓂᕐᓂᒃᓴᖃᕈᓐᓃᕐᓗᑎᒃ ᖃᑯᒍᙳᖅᐸᓪᓕᐊᑎᓪᓗᒍ. ᖃᐅᔨᒪᙱᒃᑭᕗᒍᑦ ᐃᓚᐅᕈᑎᒃᓴᑦ ᐃᓚᔭᐅᔪᑦ ᑎᐱᓖᑦ ᐊᑦᑕᕐᓇᙱᒃᑲᓗᐊᕐᒪᖔᑕ. ᖃᐅᔨᒪᔪᒍᑦ ᐳᔫᖅᑎᑦᑎᖃᑦᑕᕐᓂᖅ ᐃᒪᖏᑦ ᐊᓯᖏᓐᓂᒃ ᐃᓚᐅᕈᑎᒃᓴᓕᐅᓲᖑᓂᖏᓐᓂᒃ ᐱᐅᙱᑦᑐᓂᒃ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᐊᒃᑐᐃᔾᔪᑕᐅᓲᓂᒃ.
ᐃᓚᐅᕈᑎᒃᓴᑦ ᐃᓕᔾᔨᕕᖕᓂ ᐊᔾᔨᒌᙱᒻᒪᑕ, ᓇᓗᓇᖅᐳᖅ ᑭᓱᓂᒃ ᐅᐊᔭᒨᖅᑐᓂᒃ ᓯᒡᒐᓕᐊᓂᒃ ᐊᑐᖅᐸᒃᑐᑦ ᐊᒻᒪ ᐃᓄᐃᑦ ᖃᓂᒋᔭᖏᑦ ᐊᓂᖅᓵᖅᑐᑦᑎᐊᕐᒪᖔᑕ. ᐊᑦᑕᕐᓇᕈᑎᑕᖃᕐᒥᔪᖅ ᐊᑐᕐᓗᓂ ᐅᐊᔭᒨᖅᑐᓂᒃ ᓯᒡᒐᓕᐊᓂᒃ ᕿᑐᕐᖓᒃᓴᖃᕐᓗᓂ, ᖃᐅᔨᒪᔪᒍᑦ ᐃᓚᐅᕈᑎᒃᓴᑦ ᐊᒃᑐᐃᓲᑦ ᓄᑕᕋᓛᑉ ᖃᕋᓴᖓᓂᒃ. ᑕᒪᓐᓇ ᓱᓕᕗᖅ ᓄᑕᕋᐅᓂᓕᒫᑦᑎᓐᓂ. ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᓄᑕᖅᑲᑦ ᒪᒃᑯᒃᑐᓪᓗ ᐱᓗᐊᙳᐊᖅᖢᑎᒃ ᖁᐊᖅᓵᕐᓇᖅᑐᒦᑉᐳᑦ ᓵᑦᑎᐊᕐᒥᐅᑕᖃᓕᕌᖓᒥᒃ ᑕᒪᒃᑯᓄᖓ ᐱᖁᑎᓄᑦ.
ᓄᓇᕗᑦ ᑲᒪᒋᔭᖃᓲᖅ ᐅᐊᔭᒨᖅᑐᓂᒃ ᓯᒡᒐᓕᐊᓂᒃ ᐊᔾᔨᖓᓂᒃ ᑕᕝᕚᑭᑐᑦ ᓯᒡᒐᓕᐊᑦ, ᐃᓱᓕᕝᕕᖃᖅᑎᖦᖢᒋᑦ ᐊᑐᖃᑦᑕᖅᑕᖏᑦ ᑎᒃᑯᐊᖅᑕᐅᓯᒪᔪᓄᑦ ᐳᔫᖅᑎᑦᑎᕝᕕᖕᓄᑦ. ᐳᔫᖅᑎᑦᑎᓂᖅ ᐅᐊᔭᒨᖅᑐᓂᒃ ᓯᒡᒐᓕᐊᓂᒃ ᐃᒡᓘᑉ ᐃᓗᐊᓂ ᐃᖏᕐᕋᔾᔪᑎᓂᓘᓐᓃᑦ ᐊᓯᖏᑦ ᓴᖅᑭᔮᕐᕕᐅᔪᓐᓇᖅᑐᑦ ᐳᔪᕐᒧᑦ, ᐃᓚᐅᓪᓗᑎᒃ ᓄᑕᖅᑲᑦ ᕿᑐᕐᖓᒃᓴᖃᖅᑐᓪᓗ ᐊᕐᓇᐃᑦ, ᐱᖁᔭᐅᔪᖅ ᐱᓪᓗᒍ ᐋᓐᓂᐊᖃᖅᑕᐃᓕᒪᓂᕐᒧᑦ ᐃᓱᒫᓘᑎᑦ ᓴᖅᑭᔮᕐᕕᐅᓂᕐᒧᑦ ᓯᒡᒐᓕᐊᙳᐊᓄᑦ.
ᐊᒥᓱᑦ ᓄᓇᐃᑦ ᑲᓇᑕᒥ ᑭᓪᓕᖃᖅᑎᑦᓯᓕᖅᑐᑦ ᐊᑐᕈᓐᓇᖅᑕᑦᓯᓐᓂᑦ ᐅᐊᔭᒨᖅᑐᓂᑦ ᓯᒡᒐᓕᐊᓂᑦ.
ᖃᐅᔨᓴᖅᑕᐅᓵᓕᓃᑦ ᑕᑯᑎᑦᑎᔪᑦ ᐊᑐᖃᑦᑕᕐᓂᖅ ᐅᐊᔭᒨᖅᑐᓂᒃ ᓯᒡᒐᓕᐊᓂᒃ ᐃᑲᔪᕈᓐᓇᖅᑐᖅ ᐃᓚᖏᓐᓂᒃ ᐃᓄᖕᓂᒃ ᓱᐴᖅᑐᖃᑦᑕᕈᓐᓃᕐᓂᕐᒥᒃ, ᑭᓯᐊᓂ ᖃᐅᔨᓴᒃᑲᓐᓂᕆᐊᖃᖅᑐᑦ. ᖃᐅᔨᒪᔪᒍᑦ ᑎᒥᒧᑦ ᐊᑦᑕᖕᓇᐅᑎᑦ ᐊᑦᑎᖕᓂᕐᓴᐅᖕᒪᑕ ᐃᓄᒃ ᐊᓯᔾᔨᑦᑎᐊᕌᖓᑦ ᓯᒡᒐᓕᐊᓂᑦ ᓯᒡᒐᓕᐊᙳᐊᓄᑦ. ᐃᓄᐃᑦ ᐊᑐᖅᐸᒃᑐᑦ ᐅᐊᔭᒨᖅᑐᓂᒃ ᓯᒡᒐᓕᐊᓂᒃ ᓄᖅᑲᕐᓂᐊᕐᓗᑎᒃ ᑲᔪᓯᓂᖃᑦᑎᐊᕐᓂᖅᓴᐅᓇᔭᖅᑐᒃᓴᐅᕗᑦ ᑕᐃᒪᐃᓕᐅᕈᑎᒃ ᐃᑲᔪᖅᑐᖅᑕᐅᓗᑎᒃ ᓄᖅᑲᖅᑎᑦᑎᓂᕐᒥᒃ ᐳᔫᖅᑎᑦᑎᕙᖕᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᓲᕐᓗ ᑖᓐᓇᑎᑐᑦ.
ᒪᒃᑯᒃᑐᑦ ᐃᓐᓇᕈᓕᓵᖅᑐᓪᓗ ᐊᑦᑕᕐᓇᖅᑐᒦᓐᓂᖅᓴᐅᕗᑦ ᐱᐅᙱᑦᑐᓄᑦ ᐊᒃᑑᑎᔪᓄᑦ ᐊᒃᑐᐊᓂᓕᖕᓄᑦ ᑕᕝᕚᑭᒦᑦᑐᖅ ᐅᐃᕆᓐᓇᖅᑐᓄᑦ . ᖃᕋᓴᖏᑦ ᓱᓕ ᐱᕈᖅᐸᓪᓕᐊᔪᑦ ᐅᑭᐅᖃᓕᖅᖢᑎᒃ 25−ᓂᒃ. ᑕᕝᕚᑭᒦᑦᑐᖅ ᐅᐃᕆᓐᓇᖅᑐᖅ ᐊᓯᔾᔩᓲᖅ ᖃᓄᖅ ᖃᕋᓴᖅ ᐊᐅᓚᓲᖑᖕᒪᖔᑦ.
ᖃᔅᓯᐅᓂᖏᑦ ᑲᓇᑕᒥ ᒪᒃᑯᒃᑐᑦ ᐊᐱᖅᓱᖅᑕᐅᔪᑦ ᐅᖃᖅᑐᑦ ᐆᒃᑐᓚᐅᖅᓯᒪᓂᕋᕐᖢᑎᒃ ᓱᐴᕐᑑᑎᐅᔮᖅᑐᓂᒃ ᐅᓄᖅᓯᒋᐊᕐᖢᑎᒃ 40.6 ᐳᓴᓐᑎᒧᑦ 2019−ᒥ 29.3 ᐳᓴᓐᑎᒥ 2017−ᒥ. ᑲᓇᑕᒥ, ᑕᑯᓚᐅᖅᐳᒍᑦ ᐅᓄᖅᓯᕚᓪᓕᖅᑐᓂᒃ ᓯᒡᒐᓕᐊᙳᐊᑦ ᖃᔅᓯᐅᓂᖏᑦ ᒪᒃᑯᒃᑐᓄᑦ 2018−ᒥ ᒪᓕᒃᖢᑎᒃ ᓴᖅᑭᑕᐅᓵᖅᑐᓂᒃ ᑕᕝᕚᑭᒦᑦᑐᑦ ᐅᐃᕆᓐᓇᖅᑐᑦ ᑕᕆᐅᖃᖅᑐᑦ ᓯᒡᒐᓕᐊᙳᐊᑦ (ᓲᕐᓗ ᔫᓪ). ᒪᓂᓴᐅᑎᑦ ᐊᑐᕐᖢᑎᒃ ᐃᓅᓯᕐᓂ ᓂᐅᕕᐊᒃᓴᖃᕐᓂᕐᒧᑦ ᑐᑭᒧᐊᕈᑎᒃᓴᓂᑦ ᐱᓇᔪᒃᑲᓐᓂᖅᑐᓄᑦ ᒪᒃᑯᒃᑐᓄᑦ ᐃᓐᓇᕈᓕᓵᖅᑐᓄᓪᓗ ᐊᒃᑑᑎᖃᕐᔪᐊᖅᑰᔨᔪᓄᑦ ᐱᔪᓄᑦ ᑖᒃᑯᓂᖓ ᐱᖁᑎᓂᒃ. ᔫᓪ ᐊᑲᖅᓴᙱᑦᑐᒻᒪᕆᐅᓚᐅᖅᐳᖅ ᑕᒪᑐᒧᖓ ᐸᕐᓇᐅᒻᒧᑦ ᐊᒻᒪ ᑕᐃᒪᙵᓂᑦ ᓂᐅᖅᑯᑎᖃᕋᓱᐊᕐᓂᕐᒧᑦ ᓴᖅᑭᔮᖅᑎᑦᑎᓪᓗᓂ.