ENFRIUIN

ᐊᐅᓚᓪᓗᒋᑦ ᖃᓄᐃᓕᖓᔾᔪᑎᖏᑦ

ᐊᑐᕈᕕᑦ ᐊᑦᑎᒃᑐᒥ ᖃᓄᐃᓕᖓᓂᕐᒥᒃ, ᐱᐅᙱᑦᑐᒥᒃ ᖃᓄᐃᓕᖓᓂᕐᓂᒃ, ᓯᕘᕋᓂᕐᒥᒃ ᐸᒃᕕᒍᓱᖕᓂᕐᒥᒃᓘᓐᓃᑦ ᓄᖅᑲᓚᐅᕐᓗᑎᑦ ᓱᐴᖅᑐᕐᓂᕐᒥᒃ, ᐃᓄᑑᙱᑦᑐᑎᑦ! ᐃᖅᑲᐅᒪᒋᑦ ᑖᒃᑯᐊ ᐃᒃᐱᖕᓂᐊᓃᑦ ᐊᑐᓚᐅᑲᑐᐃᓐᓇᕐᓂᐊᖅᑐᑦ ᐊᔪᕐᓇᙱᓐᓂᖅᓴᐅᓕᕐᓂᐊᕐᖢᓂᓗ ᓯᕗᓪᓕᑦ ᑎᓴᒪᑦ ᐱᓇᓱᐊᕈᓯᑦ ᐊᓂᒍᖅᑎᓪᓗᒋᑦ.

ᐃᓚᖏᓐᓄᑦ, ᓱᐴᖅᑐᖃᑦᑕᕐᓂᖅ ᐋᖅᑭᒃᓯᒪᔪᖅ ᓇᖕᒥᓂᖅ−ᐃᖢᐊᖅᓴᐅᑎᑦ ᐃᑲᔪᕐᓗᒋᑦ ᑲᒪᒋᓗᒋᑦ ᐃᒃᐱᖕᓂᐊᓃᑦ ᐃᓄᑑᓗᐊᕐᓂᕐᒧᑦ, ᓄᒫᓱᖕᓂᕐᒧᑦ, ᓂᑲᓪᓗᖓᓂᕐᒧᓪᓗ. 

ᓄᖅᑲᖅᑐᖃᕌᖓᑦ, ᐲᔭᐃᕙᓪᓕᐊᕗᑦ ᐊᖏᔪᒻᒪᕆᖕᒥᒃ ᓯᖃᓕᓯᒪᔪᒥᒃ ᕿᓄᐃᓵᕐᓂᕐᒧᑦ ᐅᓪᓗᒃᑯᑦ, ᑕᒪᓐᓇᓗ ᐊᑐᖅᑕᐅᒐᔪᙱᖦᖢᓂ ᐊᑐᕐᓂᐊᕐᓗᓂ ᓄᒫᓱᖕᓂᕐᒥᒃ ᓄᒫᓱᖕᓂᕐᒥᒡᓘᓐᓃᑦ. ᐊᒥᓱᐊᖅᑎᖅ, ᑕᒪᓐᓇ ᐊᓂᒍᖃᑦᑕᓪᓗᐊᖅᑐᖅ ᐱᓇᓱᐊᕈᓰᑦ ᐊᒥᓲᙱᑦᑐᑦ ᐃᓗᐊᓂ. ᐃᓛᓐᓂᒃᑯᑦ ᐅᖃᖃᑎᖃᑐᐃᓐᓇᕐᓂᖅ ᐱᖃᓐᓇᕆᔭᕐᓂᒃ ᐃᑲᔪᕈᓐᓇᖅᑐᖅ, ᑭᓯᐊᓂ ᐃᒃᐱᖕᓂᐊᒍᓂ ᓄᒫᓱᖕᓂᕐᒥᒃ, ᓯᕘᕋᓂᕐᒥᒃ ᓂᑲᓪᓗᖓᓂᕐᒥᒃᓘᓐᓃᑦ ᑲᔪᓯᒃᐸᑦ, ᐅᖃᖃᑎᖃᕐᓗᓂ ᓘᒃᑖᒥᒃ ᐄᔭᒐᓕᕆᔨᒥᒃᓘᓐᓃᑦ.

ᓂᑲᓪᓗᖓᓂᖅ
ᖃᓄᐃᙱᑦᑐᖅ ᓂᑲᓪᓗᖓᓗᓂ ᓄᖅᑲᓚᐅᖅᑎᓪᓗᑎᑦ. ᑖᒃᑯᐊ ᐃᒃᐱᖕᓂᐊᓃᑦ ᐊᓂᒍᕐᓂᐊᖅᑐᑦ. ᐃᑲᔪᖅᑎᒋᔭᕐᓄᑦ ᐅᖄᓚᓇᓱᒡᓗᑎᑦ ᐊᒻᒪ ᓇᖕᒥᓂᖅ−ᐅᖃᓪᓚᒡᓗᑎᑦ. ᓄᖅᑲᕐᓂᖅ ᐊᔪᕐᓇᖅᑐᖅ ᐃᓱᒪᓇᓱᒃᓗᓂ ᑲᔪᓯᑦᑎᐊᕐᓂᕐᒥᒃ, ᑲᔪᓯᖖᒋᓐᓂᕐᒥᒃ!
ᓂᙵᐅᒪᓂᖅ
ᓂᙵᐅᒪᓂᖅ ᐃᓚᒋᔭᐅᕗᖅ ᐱᓕᕆᐊᖑᕙᓪᓕᐊᔪᒧᑦ, ᑕᒪᓐᓇᓗ ᓲᖑᔭᕆᐊᖃᙱᖦᖢᒍ. ᓂᙵᒃᓴᕋᐃᓪᓗᓂ ᓱᑲᒃᑲᖓᓕᕐᓇᖅᐳᖅ ᑕᕝᕚᑭᖃᕆᐊᖃᓕᕐᓇᖅᖢᓂᓗ. ᓂᙵᐅᒪᓂᕐᒥᒃ ᓇᓗᓇᐃᖅᓯᓇᓱᒃᐸᒡᓗᑎᑦ ᐊᑦᑕᕐᓇᙱᑦᑐᒃᑯᑦ ᐊᒻᒪ ᐋᓐᓂᕐᓇᙱᑦᑐᒃᑯᑦ ᐃᖃᐃᓕᓴᕐᓂᒃᑯᑦ, ᐱᖃᓐᓇᕆᔭᕐᓄᑦ ᐅᖃᓪᓚᖃᑎᖃᕐᓗᑎᑦ ᐊᒻᒪ ᓂᐅᕐᔪᐊᑲᑕᒡᓗᑎᑦ.
ᑭᒍᑕᖏᕐᓂᖅ
ᑭᐱᙳᓕᕌᖓᕕᑦ ᐃᓱᒪᓕᕌᖓᕕᓪᓗ ᑕᕝᕚᑭᒥᒃ, ᐊᒡᒐᑎᑦ ᐃᓱᒪᑎᓪᓗ ᐱᔭᒃᓴᖃᖅᑏᓐᓇᕐᓗᒋᑦ. ᐱᓕᕆᔪᖃᕐᓗᓂ, ᐱᓕᕆᐊᖃᕐᓗᑎᑦ ᐊᓯᔾᔨᖅᓯᓗᑎᒡᓘᓐᓃᑦ ᐃᓂᓂᒃ. ᐱᐅᓯᖏᑦ ᖃᓄᐃᓕᐅᕈᑎᖏᓪᓗ ᓱᐴᖅᑐᕐᓂᕐᒧᑦ ᐊᓯᔾᔨᖅᑕᐅᔭᕆᐊᓕᑦ ᐊᓯᐊᓄᑦ.
ᖀᓕᕐᓃᑦ
ᑕᕝᕚᑭᒦᑦᑐᖅ ᐅᐃᕆᓐᓇᖅᑐᖅ ᐅᐃᕆᓐᓇᕐᔪᐊᖅᑐᖅ ᑎᒥᕕᓪᓗ ᑭᖑᓂᖃᓈᖅᓯᓪᓗᓂ ᓄᖅᑲᕈᕕᑦ. ᖀᓕᕐᓃᑦ ᖃᓄᐃᙱᑦᑐᑦ ᐊᒻᒪᓗ ᐱᔭᕆᑐᓂᖅᓴᐅᓂᐊᖅᑐᑦ ᓄᖅᑲᓚᐅᖅᑎᓪᓗᑎᑦ. ᐱᐅᓛᖑᔪᖅ ᓱᐴᖅᑐᕈᓕᕐᓗᓂ ᐅᕿᙱᓐᓂᖅᓯᐅᕐᓗᒍ, ᐅᓚᕕᓴᕐᓗᑎᑦ ᐃᓕᖕᓂᒃ, ᓂᐅᕐᔪᐊᕐᓂᕐᒥᒃ ᐃᒥᕐᔪᐊᕐᓂᕐᒥᒃᓗ. ᐊᓂᒍᕐᓂᐊᖅᑐᖅ.
ᓄᑭᑭᓪᓗᓂ
ᓄᖅᑲᓚᐅᖅᑎᓪᓗᑎᑦ ᑕᖃᖓᓕᕈᓐᓇᖅᑐᑎᑦ ᑎᒥᖕᓂ ᑕᕝᕚᑭᒦᑦᑐᓂ ᐅᐃᕆᓐᓇᖅᑐᖃᕈᓐᓃᕐᒪᑦ. ᑕᖃᓯᒪᓂᖅ ᐊᑯᓂᐅᔪᓐᓇᖅᑐᖅ ᐱᓇᓱᐊᕈᓰᒃ ᒪᕐᕉᒃ ᑎᓴᒪᓄᓪᓘᓐᓃᑦ. ᓯᓂᒃᑲᓐᓂᖅᐸᒡᓗᑎᑦ ᐃᖃᐃᓕᓴᒃᑲᓐᓂᖅᐸᒡᓗᑎᓪᓗ, ᓯᓂᓚᐅᑲᒡᓗᑎᑦ, ᓂᕿᑦᑎᐊᕙᖕᓂ ᓂᕆᕙᒡᓗᑎᑦ ᐊᒻᒪ ᐃᒥᑲᑕᖕᓂᖅᓴᐅᕙᒡᓗᑎᑦ ᒪᒥᓴᖅᐸᓪᓕᐊᖁᓗᒋᑦ.
ᓂᖀᑦ ᖀᓕᕐᓃᑦ
ᖀᓕᕐᓃᑦ ᑕᕝᕚᑭᓄᑦ ᐊᓯᔾᔨᖅᑕᐅᒐᔪᒃᑐᑦ ᖀᓕᕐᓂᕐᓄᑦ ᓂᕿᓄᑦ. ᑖᒃᑯᐊ ᖀᓕᕐᓃᑦ ᐊᑐᑐᐃᓐᓇᕆᐊᓖᑦ ᖃᔅᓯᐊᕐᔪᖕᓄᑦ ᐱᓇᓱᐊᕈᓯᕐᓄᑦ. ᖃᓃᑦ ᐱᔭᒃᓴᖃᖅᑎᓪᓗᒍ ᑕᒧᓗᒐᒃᓴᑦᑎᐊᕙᖕᓂᑦ, ᐃᒪᖃᕐᔪᐊᕐᓗᓂ ᓱᑲᖃᙱᑦᑐᓂᒡᓗ ᑕᒧᐊᔭᒐᓂᑦ.
ᐸᒡᕕᒍᓱᒃᓴᕋᐃᓐᓂᖅ, ᓂᑲᒍᓱᒃᓴᕋᐃᓐᓂᖅ, ᓱᑲᒃᑲᖓᓂᖅ, ᓂᖕᖓᐅᒪᓂᖅ, ᓄᖅᑲᖓᔪᓐᓇᙱᓐᓂᖅ
ᑎᒦᑦ ᖀᓕᖅᐸᓪᓕᐊᔪᖅ ᑕᕝᕚᑭᒦᑦᑐᓂ ᐅᐃᕆᓐᓇᖅᑐᓂ. ᐃᓄᐃᑦ ᓄᖅᑲᖃᑦᑕᖅᑐᑦ ᑕᕝᕚᑭᒥᑦ ᖁᒃᓴᓱᐃᓐᓇᐅᔭᖅᑐᑦ. ᑖᒃᑯᐊ ᐃᒃᐱᖕᓂᐊᓃᑦ ᐊᑯᓂᐅᔪᓐᓇᖅᑐᑦ ᐊᑕᐅᓯᕐᒧᑦ ᒪᕐᕉᖕᓄᑦ ᐱᓇᓱᐊᕈᓰᖕᓄᑦ. ᓂᐅᕌᖓᒥᒃ, ᓂᐅᕐᔪᐊᑲᑕᒡᓗᑎᑦ, ᐱᓱᒡᓗᑎᑦ, ᐆᒻᒪᕆᒡᓗᑎᑦ ᐊᒻᒪ ᓴᐃᓕᓂᕐᒧᑦ ᐃᖃᐃᓕᓴᖅᐸᒡᓗᑎᑦ.
ᐃᓱᒪᑦᑎᐊᕈᓐᓇᐃᓪᓕᓂᖅ
ᓄᖅᑲᓚᐅᖅᑎᓪᓗᑎᑦ ᐃᓱᒪᑦᑎᐊᕈᓐᓇᐃᓪᓕᑐᐃᓐᓇᕆᐊᖃᖅᑐᑎᑦ ᑎᒦᑦ ᐋᖅᑭᒋᐊᖅᐸᑦ ᑕᕝᕚᑭᒦᑦᑐᓂ ᐅᐃᕆᓐᓇᖅᑐᖃᙱᓐᓂᖓᓄᑦ. ᐃᓱᒪᑦᑎᐊᕈᓐᓇᐃᓪᓕᓂᖅ ᐱᐅᓯᕚᓪᓕᕐᓂᐊᖅᑐᖅ ᓯᕗᓪᓕᖅᐹᖅ ᐱᓇᓱᐊᕈᓯᖅ ᐊᓂᒍᖅᐸᑦ. ᑕᐅᑐᙱᑕᕐᓂᒃ ᖃᐅᑕᒫᑦ ᐱᓕᕆᐊᕆᔭᑎᑦ ᐊᓯᔾᔨᕋᓱᒡᓗᒋᑦ, ᐊᓂᖅᓵᖅᑐᑦᑎᐊᑲᑕᒡᓗᑎᑦ, ᐆᒻᒪᕆᒡᓗᑎᑦ, ᐊᓂᖅᓵᖅᑐᕐᔪᐊᑲᑕᒡᓗᑎᑦ ᑐᓴᕐᓈᕐᓗᑎᓪᓗ.
ᓯᓂᑦᑎᐊᖃᑦᑕᙱᓐᓂᖅ
ᓯᓂᒍᓐᓇᑦᑎᐊᖅᑰᔨᓂᖅ ᐊᑐᖅᑕᐅᒐᔪᒃᑐᖅ ᐱᓇᓱᐊᕈᓯᓕᒫᐸᓗᖕᒥᒃ ᓄᖅᑲᓚᐅᖅᑎᓪᓗᑎᑦ. ᐃᓕᖕᓂᒃ ᑲᒪᒋᓗᑎᑦ ᐆᓇᔪᒃᑐᒧᑦ ᐅᕕᓂᖕᓂᐊᕐᓗᑎᑦ ᓴᐃᓕᓇᓱᒃᐸᒡᓗᑎᓪᓗ ᐃᒡᓕᕐᒥ ᐃᒥᐅᑎᓗᑎᑦ ᐆᓇᔪᒃᑐᒥᒃ ᐃᒻᒧᖕᒥᒃ, ᐊᓂᖅᓵᖅᑐᕐᔪᐊᕐᓗᑎᑦ, ᓴᐃᓕᓂᕐᒧᑦ ᐊᑐᕋᓲᑎᓂᒃ. ᐊᒻᒪ ᐅᖃᓕᒫᕐᓂᖅ.
ᐃᓄᑑᓗᐊᕐᓂᖅ
ᐅᓄᖅᑐᑦ ᐃᓄᐃᑦ ᑕᑯᖃᑦᑕᖅᑐᑦ ᓯᒡᒐᓕᐊᒥᓂᒃ ᐱᖃᓐᓇᕆᔭᐅᓂᖓᓂᒃ. ᐅᔾᔨᕈᓱᑐᐃᓐᓇᕆᐊᖃᕆᕗᑎᑦ ᐱᖃᓐᓇᕆᔭᑎᑦ ᑕᕝᕚᑭᑐᖃᑦᑕᕐᓂᖏᓐᓂᒃ, ᐊᒻᒪ ᒫᓐᓇ ᖃᓂᒋᔭᖏᓐᓃᑦᑕᕆᐊᒃᓴᖅ ᐊᔪᕐᓇᕐᓂᖅᓴᐅᓪᓗᓂ. ᐱᖃᓐᓇᕆᔭᕐᓄᑦ ᐅᖄᓚᓗᑎᑦ ᑕᕝᕚᑭᑐᖅᐸᙱᑦᑐᓄᑦ. ᐱᓱᔪᒡᓗᑎᑦ ᐊᖁᓪᓗᑎᓪᓘᓐᓃᑦ.