ᖀᓕᕐᓂᖃᕐᔪᐊᕐᓂᖅ
ᖀᓕᕐᓃᑦ ᐊᑯᓂᐅᑎᒋᓲᑦ 3−ᒥ 5−ᒧᑦ ᑎᑦᑕᑯᓗᒃᑯᑦ, ᐊᓱᐃᓛᒃ ᐃᓕᖕᓂᒃ ᐅᓚᕕᓴᕐᓗᑎᑦ ᑭᓯᐊᓂ ᐊᓂᒍᖅᐸᑦ. ᐱᓱᔪᒡᓗᑎᑦ, ᐃᒥᕐᓗᑎᑦ ᐅᕝᕙᓘᓐᓃᑦ ᐱᖃᓐᓇᕆᔭᕐᓄᑦ ᐅᖃᓗᒡᓗᑎᑦ ᐃᑲᔪᖅᑕᐅᔪᒪᓗᑎᑦ. ᐊᑐᕐᓗᑎᑦ ᑕᕝᕚᑭᒦᑦᑐᖅ ᐅᐃᕆᓐᓇᖅᑐᓄᑦ ᒪᒥᓴᐅᑎᓂᒃ ᓲᕐᓗ ᑕᒧᐊᑦᑐᐊᑎᑐᑦ ᓂᐱᑎᒐᕐᓂᒡᓘᓐᓃᑦ ᒥᒃᖠᒋᐊᖅᑎᓪᓗᒍ ᐊᑐᒐᔪᖕᓂᖓ ᐊᒃᓱᕈᕐᓇᕐᓂᖓᓗ.
ᓯᕘᕋᖅᑰᔨᓂᖅ ᐅᕝᕙᓘᓐᓃᑦ ᓯᓈᓂ ᐃᒃᐱᒍᓱᖕᓂᖅ
ᑖᓐᓇ ᐋᓐᓂᐊᕈᑕᐅᒐᔪᒃᑐᖅ ᐊᓂᒍᕋᔪᒃᖢᓂ ᓯᕗᓪᓕᖏᓐᓂ ᒪᕐᕉᒃ ᐱᓇᓱᐊᕈᓰᒃ ᓄᖅᑲᕋᓱᒃᑎᓪᓗᑎᑦ ᑎᒥᕕᑦ ᓱᖏᐅᑎᒃᐸᑦ ᐃᓅᓯᕐᓂ ᑕᕝᕚᑭᒦᑦᑐᖅ ᐅᐃᕆᓐᓇᖅᑐᖃᙱᓪᓗᓂ. ᓂᐅᕐᔪᐊᑲᑕᒡᓗᑎᑦ, ᓴᐃᓕᓗᑎᑦ ᐃᖃᐃᓕᓴᕐᓗᑎᑦ, ᐱᓱᑲᑕᒡᓗᑎᑦ ᑳᐱᑐᓗᐊᑲᑕᒍᓐᓃᕐᓗᑎᓪᓗ.
ᐸᕝᕕᒍᓱᖅᑰᔨᓂᖅ ᐅᕝᕙᓘᓐᓃᑦ ᐸᒡᕕᒍᓱᒃᓴᕋᐃᓐᓂᖅ
ᑕᐃᒪᐃᒐᔪᓲᖅ ᓯᕗᓪᓕᖏᓐᓂ ᐅᓄᙱᑦᑐᑦ ᐱᓇᓱᐊᕈᓯᑦ ᓄᖅᑲᕋᓱᒃᑎᓪᓗᑎᑦ. ᐃᓕᖕᓂᒃ ᐅᑕᖅᑭᑦᑎᐊᖅᐸᒡᓗᑎᑦ ᐱᖃᓐᓇᕆᔭᑎᓪᓗ ᐃᓚᑎᓪᓗ ᐅᔾᔨᖅᓱᕐᓗᒋᑦ. ᖃᓄᐃᓕᐅᕈᑎᓂᒃ ᐱᓕᕆᓗᑎᑦ ᖁᕕᐊᒋᔭᕐᓂᒃ ᖁᕝᕙᖅᑎᓐᓇᓱᒃᓗᒋᑦ ᑕᕐᓃᑦ.
ᑕᖃᖓᓗᓂ ᓯᓂᒍᓐᓇᑦᑎᐊᙱᓪᓗᓂᓗ
ᐊᑐᕈᓐᓃᕐᓂᖅ ᑕᕝᕚᑭᒦᑦᑐᖅ ᐅᐃᕆᓐᓇᖅᑐᓄᑦ ᐅᓚᕕᓴᐃᔪᓐᓇᖅᑐᖅ ᓯᓂᖕᓂᕐᒥ. ᐱᓇᓱᐊᕈᓰᖕᓄᑦ 2-4-ᓄᑦ ᐆᒻᒪᕆᖕᓇᖅᑐᖅ ᑎᒥᖕᓄᑦ ᐅᑎᕋᓱᒃᓗᓂ ᑎᒥᖕᓄᑦ ᐋᖅᑭᒋᐊᖅᐸᑦ, ᑕᖃᐃᖅᓯᒃᑲᓐᓂᕋᓱᒡᓗᑎᑦ ᐃᖃᐃᓕᓴᕐᓗᑎᓪᓗ ᐆᒻᒪᕆᖕᓂᖕᓂᑦ.
ᐃᓱᒪᒃᓴᖅᓯᐅᑦᑎᐊᕈᓐᓇᙱᓐᓂᖅ
ᑕᐸᓱᖅᑰᔨᑐᐃᓐᓇᕆᐊᖃᖅᐳᑎᑦ ᐅᕝᕙᓘᓐᓃᑦ ᑲᒪᒋᔭᖃᑦᑎᐊᕈᓐᓇᐃᓪᓕᓗᑎᑦ ᓯᕗᓪᓕᕐᓄᑦ ᐱᓇᓱᐊᕈᓯᕐᓄᑦ ᓄᖅᑲᕋᓱᒃᑎᓪᓗᑎᑦ. ᒥᑭᑦᑐᓂᒃ ᓂᕆᕙᒡᓗᑎᑦ ᐃᑲᕐᕋᐃᑦ ᖃᔅᓯᐊᕐᔪᐃᑦ ᐊᓂᒍᕌᖓᑕ ᐊᐅᒃᐱᑦ ᓱᑲᖃᕐᓂᖓ ᐃᖏᕐᕋᑏᓐᓇᕋᓱᒡᓗᒍ ᐊᒻᒪ ᔫᒐᒥᒃ ᐆᒃᑐᕐᓗᑎᑦ ᐊᓂᕐᓂᒃᓴᓕᐅᒃᑲᓐᓂᕋᓱᒡᓗᑎᑦ ᖃᕋᓴᕐᒧᑦ.
ᓂᑲᓪᓗᖓᖅᑰᔨᓗᓂ ᓄᒫᓱᖅᑰᔨᓗᓂᓘᓐᓃᑦ
ᓄᒫᓱᖅᑰᔨᓗᓂ ᓂᑲᓪᓗᖓᖅᑰᔨᓗᓂᓘᓐᓃᑦ ᖃᓄᐃᙱᑦᑐᖅ ᓄᖅᑲᓚᐅᖅᑎᓪᓗᒍ. ᐱᖃᓐᓇᕆᔭᕐᓄᑦ, ᐃᓚᓐᓄᑦ ᐅᖃᓪᓚᖃᑎᖃᕐᓂᖅ ᐅᕝᕙᓘᓐᓃᑦ ᐃᑲᔪᖅᑕᐅᔪᒪᓗᑎᑦ ᓄᓇᑦᑎᓐᓂ ᐃᑲᔪᕈᓐᓇᖅᐳᑎᑦ. ᐃᖃᐃᓕᓴᕐᓂᖅ ᐃᑲᔫᑎᖃᕐᒥᔪᖅ. ᓂᑲᓪᓗᖓᓂᖅ ᑕᖅᑭᐅᑉ ᐅᖓᑖᓄᑦ ᐊᑐᖅᐸᑦ, ᓘᒃᑖᑦ ᐅᖃᖃᑎᒋᓗᒍ.
ᑳᖅᑰᔨᓕᕐᓗᓂ ᖁᐃᒃᑎᑉᐸᓪᓕᐊᓗᓂᓘᓐᓃᑦ
ᓂᕆᔪᒪᒐᔪᖕᓂᖅᓴᐅᓗᑎᑦ ᓄᖅᑲᓚᐅᖅᑎᓪᓗᑎᑦ. ᓂᕆᓂᖅᓴᐅᙱᖔᕐᓗᑎᑦ, ᒥᑭᓐᓂᖅᓴᓂᒃ ᓂᕆᒐᔪᖕᓂᖅᓴᐅᓗᑎᑦ. ᓂᕿᑦᑎᐊᕙᖕᓂᑦ ᓂᕈᐊᕐᓗᑎᑦ ᓲᕐᓗ ᐱᕈᖅᑐᕕᓂᕐᓄᑦ ᓂᐱᑎᒐᕐᓂᑦ, ᐱᓱᔪᒋᐊᒃᑲᓐᓂᕐᓗᑎᑦ, ᐃᒥᕐᓂᖅᓴᐅᓗᑎᓪᓗ.
ᐊᓇᕈᓐᓇᐃᓪᓕᓂᖅ
ᐊᓇᕈᓐᓇᐃᓪᓕᓂᖅ ᐊᒻᒪ ᓂᑲᒍᓱᒃᓴᕋᐃᓐᓂᖅ ᐊᑐᖅᑕᐅᒐᔪᒃᑐᑦ ᓄᖅᑲᖅᓵᓕᑎᓪᓗᑎᑦ. ᕙᐃᐳᖅᑐᖃᑦᑕᕐᓂᖅᓴᐅᓕᕐᓗᑎᑦ, ᐃᒥᕐᓂᖅᓴᐅᖃᑦᑕᕐᓗᑎᑦ, ᑳᐱᑐᓗᐊᑲᑕᒍᓐᓃᕐᓗᑎᑦ ᐊᒻᒪ ᐃᖃᐃᓕᓴᖃᑦᑕᕈᕕᑦ ᐃᑲᔫᑎᖃᕐᓂᐊᖅᑐᖅ.