Taimarniq ihuaqhihimayat taimarniq ublua, hatqiqtitaunia ubluraluk agikligiaqniaqtat taimarniq. Hivulliqpaami ublungani higaanik ayurnaqniaqtuq, kihimi hamma pingahuuyut talvannga piyakhat munarigiaqni higaaruiriaqni ubluq tamaat hanalrukniklu qanurunaarnaittumik higaarnaittumik.
Havakyuaqpaklutin
Higaarumaniq hakugitqiyauyuq hivulliqpaamut qaffinik ublunik, taimaa havainnaqhimmaariaqni ulapiqutiniaqtuq iliknut pihimagiamilu qanuqtut ihumagiyat higaaruiriaqni. Pilugit tapkua hunat pittailiyatit uvalu iniqtiqniaqtutit uvalu nayugaqaqniaqtutit.
Nakuugivakluhi
Taimarniq akhurnartuq ihumagini atauhiq piyumaniq pivikhat. Puiguktailutit huuq higaaruiruvit takulugulu una akhuuqtuq higaaruvit. Taimailiuqtaaqtugut.
Pittaililugit pidjutitit
Iqqakuurviit ilauyut nayugait, inuit uvaluuniin qaniit tapkua higaagumayatit. Inuit tamaita inmikkut pidjutiqaqtut. Ilihimadjavatit imaalu pingittatit humiittakharnik.